تفصیلات کے مطابق بین الاقوامی کرکٹ کونسل (آئی سی سی) ویمنز ٹی ٹوئنٹی ورلڈ کپ 2024 کیلئے مجموعی انعامی رقم 7.96 ملین امریکی ڈالر مقرر کی گئی ہے۔ ویمنز ٹی ٹوئنٹی ورلڈ کپ کی انعامی رقم میں 225 فیصد اضافہ کیا گیا ہے۔

ویمنز ٹی ٹوئنٹی ورلڈ کپ 2024 جیتنے والی ٹیم کو 2.34 ملین ڈالر ملیں گے جبکہ رنر اپ کو 1.17 ملین ڈالر دیئے جائیں گے۔ ایونٹ میں سیمی فائنل ہارنے والی ٹیموں کو 675,000 امریکی ڈالر دیئے جائیں گے۔ گروپ میچز جیتنے پر ہر ٹیم کو 31 ہزار ڈالرز ملیں گے۔

 آئی سی سی ویمنز ٹی ٹوئنٹی ورلڈ کپ کا آغاز 3 اکتوبر کو بنگلا دیش اور اسکاٹ لینڈ کے میچ سے ہوگا۔ ویمنز ٹی ٹوئنٹی ورلڈ کپ کے میچز دبئی اور شارجہ میں کھیلے جائیں گے۔