تفصیلات کے مطابق ایشین ہاکی چیمپئنز ٹرافی کے آخری میچ میں پاکستان کی قومی ہاکی  ٹیم نے کھیل میں اپنے فن کے جوہر دکھاتے ہوئے بہترین کارکردگی کی بنیاد  پر ایک شاندار فتح حاصل کی ہے۔

شاندار کارکردگی کا مظاہرہ کرتے ہوئے  پاکستانی ٹیم نے اپنی حریف ٹیم کوریا کو 5-2 سے شکست دی،اس کامیابی فتح کے بعد پاکستانی ٹیم ٹورنامنٹ میں تیسری پوزیشن حاصل کرنے میں کامیاب ہو گئی۔

قومی ٹٰم کی جانب سے شاندار کھیل کا مظاہرہ کرتے ہوئے سفیان خان اور حنان شاہد نے 2-2 گول سکور اپنے نام کیے۔

وضح  رہے کہ ہاکی چیمپیئنز ٹرافی کے سیمی فائنل میں پاکستان کو چین سے شکست کا سامنا کرنا پڑا تھا،چین کی ہاکی ٹیم نے پاکستانی قومی ٹیم کو پینالٹی شوٹ آؤٹ میں 0-2 سے شکست دی تھی، سیمی فائنل کے بڑے مقابلے میں چین کے لو یوانلن نے دوسرے کوارٹر میں گول کر کے اپنی ٹیم کو برتری دلائی تھی،جبکہ پاکستان کے احمد ندیم نے تیسرے کوارٹر میں ایک شاندار گول کر کے مقابلہ برابر کرنے میں اہم کردارادا کیا تھا۔میچ مقررہ وقت میں 1-1 سے برابر رہا،بعد ازاں فیصلہ پھر پینالٹی شوٹ آؤٹ پر ہوا،جس میں چین نے فتح اپنے نام کر لی۔