تفصیلات کے مطابق پاکستانی فاسٹ باؤلر محمد عامر ٹی 20 انٹرنیشنل  کرکٹ میں بھارتی باؤلر بھونیشورکمار کا ریکارڈ توڑنے میں کامیاب ہو گئے،زیادہ میڈن اوور کرانے کی دوڑ میں دنیا کے تیسرے بڑے باؤلر کی فہرست میں شامل ہو گئے۔

خیال رہے کہ محمد عامر کے ٹی 20 کرکٹ میں میڈن اوورز پھینکنے کی تعداد 25 تک پہنچ گئی ہے، جبکہ دوسری جانب  بھارتی باؤلر بھونیشور کمار نےاب تک اپنے کرکٹ کرئیر کے دوران 24 میڈن اوورز ہی کرا سکے ہیں۔

یاد رہے کہ محمد عامر نے یہ سہرا کیریبین پریمیئر لیگ ( سی پی ایل ) کھیلتے ہوئے اپنے سر پہ سسجایا ہے،وہ لیگ میں اینٹیگوا اور باربوڈا فالکنز کی نمائندگی کر رہے ہیں۔

واضح رہے کہ اس فہرست میں ویسٹ انڈیز کے سنیل نارائن 30 میڈن اوور کے ساتھ پہلی جبکہ بنگلہ دیش کے شکیب الحسن 26  اوور کے ساتھ دوسری پوزیشن پر براجمان ہیں۔