بھارتی کامیڈین کپل شرما کے شو میں شرکت کے دوران بھارتی ٹینس اسٹار اور شعیب ملک کی سابق اہلیہ ثانیہ مرزا کا ایک کلپ شیئر کیا جارہا ہے جس میں کپل شرما ثانیہ مرزا کو یاد دلا رہے کہ ایک مرتبہ شاہ رخ خان، کنگ آف بالی ووڈ نے کہا تھا کہ اگر کبھی ثانیہ مرزا پر بائیو پک بنی تو وہ اس فلم میں آپ کی محبت کا کردار نبھانا چاہیں گے۔
کپل شرما کی بات کے جواب میں سابق بھارتی ٹینس اسٹار اور شعیب ملک کی سابق اہلیہ کا کہنا تھا کہ مجھے ابھی سچھی محبت ڈھونڈنی ہے۔
یاد رہے کہ اپریل 2010 میں ثانیہ مرزا اور شعیب ملک کی شادی کی بہت دھوم مچی تھی، ثانیہ مرزا اور شعیب ملک کا ایک بیٹا بھی ہے اذہان جو 30 اکتوبر 2018 کو پیدا ہوا تھا۔
رواں سال ہی شعیب ملک اور ثانیہ مرزا کی طلاق کی خبریں گردش کرنے لگی تھی اور ثانیہ مرزا کی فیملی کی جانب سے ان کی طلاق کی تصدیق بھی کردی گئی تھی اور اس کے بعد پاکستانی کرکٹ شعیب ملک نے اداکارہ ثنا جاوید سے شادی کرلی تھی۔
