فضل الرحمان اپنی لگژری رہائش چھوڑ کر مفتی محمود مرکز چلے گئے

Maulana Fazlur Rehman
فائل فوٹو
Updated | Published November, 20 2026 |
پشاور: (ویب ڈیسک) جمعیت علمائے اسلام (ف) کے سربراہ مولانا فضل الرحمان اسلام آباد میں اپنی رہائش گاہ چھوڑ کر پشاور منتقل ہوگئے، جہاں انہوں نے کسی نجی گھر کے بجائے مفتی محمود مرکز میں قیام کرنے کا فیصلہ کیا ہے۔

ان کی یہ منتقلی سرکاری سیکیورٹی واپس لیے جانے کے بعد سامنے آئی ہے۔

میڈیا رپورٹس کے مطابق مولانا فضل الرحمان رات گئے اسلام آباد سے پشاور روانہ ہوئے اور مفتی محمود مرکز پہنچے، جہاں موجود کارکنوں نے ان کا استقبال کیا۔

ذرائع کے مطابق اسلام آباد میں مولانا فضل الرحمان کی سرکاری سیکیورٹی واپس لینے کے بعد ان کی رہائش گاہ کے باہر پولیس کی بھاری نفری تعینات کردی گئی تھی۔ اس صورتحال کے بعد انہوں نے اپنے قریبی ساتھیوں سے مشاورت کی اور پشاور منتقل ہونے کا فیصلہ کیا۔

جے یو آئی ذرائع کا کہنا ہے کہ مفتی محمود مرکز میں قیام کا مقصد کارکنوں کی بڑی تعداد کی موجودگی اور سیاسی سرگرمیوں کو جاری رکھنا ہے۔ اطلاعات کے مطابق مولانا فضل الرحمان ہفتے کے روز پشاور ہائیکورٹ بار جائیں گے، جہاں وہ وکلا سے خطاب کریں گے۔

واضح رہے کہ وزیراعظم شہباز شریف کی ہدایت پر مولانا فضل الرحمان، ان کے صاحبزادے اسعد محمود اور جے یو آئی کے سیکریٹری جنرل مولانا عبدالغفور حیدری کی وی وی آئی پی سیکیورٹی واپس لینے کے احکامات جاری کیے گئے تھے۔

اس کے علاوہ ڈیرہ اسماعیل خان میں مولانا فضل الرحمان کی رہائش گاہ پر تعینات ایف سی کی پوری پلاٹون بھی واپس بلا لی گئی تھی، جبکہ پولیس کی خصوصی سیکیورٹی بھی ختم کرنے کی ہدایت کی گئی۔

سیکیورٹی کی واپسی کے بعد مولانا فضل الرحمان کی پشاور منتقلی سیاسی حلقوں میں اہم پیشرفت قرار دی جا رہی ہے۔

کرنسی، دھاتوں اور پیٹرولیم مصنوعات کے نرخ
Currency → PKR
Currency Pair Rate (PKR) Change
🇺🇸 US Dollar USD → PKR 276.54 ▼ 0.01
🇪🇺 Euro EUR → PKR 303.49 ▲ 0.10
🇬🇧 British Pound GBP → PKR 362.25 ▼ 1.26
🇸🇦 Saudi Riyal SAR → PKR 73.68 ▼ 0.02
🇦🇪 UAE Dirham AED → PKR 75.29 —
🇨🇳 Chinese Yuan CNY → PKR 41.47 ▼ 0.01
Current Metals
Metal Unit Price (PKR) Change
Gold 24K Per Tola 387,772 ▼ 11,356
Gold 22K Per Tola 355,458 ▼ 10,410
Gold 21K Per Tola 339,301 ▼ 9,937
Gold 18K Per Tola 290,829 ▼ 8,517
Silver Per Tola 4,715 ▼ 208
Platinum Per oz (USD) 1,378 ▼ 55.3%
Current Petrol
Fuel Type Unit Price (PKR) Change
Petrol Super Per Litre 328.00 —
Diesel HSD Per Litre 251.37 —
High Octane Per Litre 415.00 —
Kerosene Per Litre 308.52 —
LPG Per Kg 294.07 —
ضرور پڑھیں