پاکستان، روس اور عمان کی مشترکہ فوجی مشقوں کا آغاز
آئی ایس پی آر کے مطابق پاک روس مشترکہ مشق دروزبہ 9 اور پاک عمان مشترکہ مشق وشاق الجبل 2 آج شروع ہوگئیں، پاک روس مشق دروزبہ 9 کا آغاز چراٹ میں، پاک عمان مشق وشاق الجبل 2 کا آغاز نیشنل کاؤنٹر ٹیررازم سینٹر پبی میں ہوا۔
پاک فوج کے شعبہ تعلقات عامہ کے مطابق دونوں مشترکہ فوجی مشقوں میں پاکستانی فوج، روسی فوج اور شاہی عمانی فوج کے دستے شریک ہیں۔
یہ بھی پڑھیں: بلوچستان:ساران تنگی میں سکیورٹی فورسز کی کارروائی، 6 دہشت گرد ہلاک
آئی ایس پی آر کے مطابق دو ہفتوں پر محیط مشترکہ مشقوں میں انسداد دہشت گردی کی مشقوں اور طریقہ کار پر تربیت دی جائے گی، مشترکہ مشقوں کے ذریعے آپریشنل تجربات اور بہترین عملی طریقہ کار کا تبادلہ کیا جائے گا۔
#ISPR Press Release
— Pakistan Armed Forces News 🇵🇰 (@PakistanFauj) September 22, 2026
The 9th edition of Pakistan-Russia Joint Exercise Druzhba-IX and the 2nd edition of Pakistan-Oman Joint Exercise Washaq Al Jabal-II (Mountain Lynx-II) commenced today at Cherat and the National Counter Terrorism Centre (NCTC), Pabbi, respectively.
The… pic.twitter.com/HPazSr3Slb
پاک فوج کے شعبہ تعلقات عامہ کے مطابق مشترکہ تربیت کے ذریعے شریک افواج کی جنگی صلاحیتوں اور حربی مہارتوں کو مزید بہتر بنایا جائے گا۔
آئی ایس پی آر کے مطابق پاک روس اور پاک عمان مشترکہ مشقوں سے باہمی دفاعی تعاون مزید مضبوط ہوگا۔
پاک فوج کے شعبہ تعلقات عامہ کے مطابق مشترکہ مشقوں کا مقصد شریک افواج کے درمیان باہمی تعاون اور مؤثر رابطے کی صلاحیت کو مزید فروغ دینا ہے۔
