نجی نیوز چینل سے بات چیت کرتے ہوئے  انہوں نے کہا کہ آنکھوں کے ماہرین نے بانئ پاکستان تحریک انصاف (پی ٹی آئی) کا اڈیالہ جیل میں معائنہ کیا تھا، ڈاکٹرز نے تجویز کیا تھا کہ انہیں معمولی طبی کارروائی کیلئے پمز لے جانا ضروری ہے۔

عطاء تارڑ نے کہا کہ گزشتہ ہفتے کی رات آنکھوں کے ماہرین کی رائے کے بعد عمران خان کو پمز اسپتال لے جایا گیا، 20 منٹ کے معائنے کے بعد ان کو واپس روانہ کردیا گیا تھا۔

وفاقی وزیر نے مزید کہا کہ پمز میں بانئ پاکستان تحریک انصاف (پی ٹی آئی) کی آنکھوں کا معائنہ ہوا، دوران طبی معائنہ وہ مکمل صحت مند تھے۔

یہ بھی پڑھیں:سہیل آفریدی کیخلاف توہین عدالت کی درخواست خارج

خیال رہے کہ گزشتہ روز عمران خان کی بہن علیمہ خان نے کہا تھا کہ بانی کی صحت سے متعلق خبروں پر ہمیں انتہائی تشویش لاحق ہے۔

ان کا کہنا تھا کہ اگر عمران خان کا علاج کسی سرکاری اسپتال میں ہوا تو یہ تشویش ناک پہلو ہے، اہلِ خانہ کو صحت سے متعلق کسی بھی پیش رفت سے متعلق آگاہ نہیں کیا گیا۔