تربیتی پروگرام کے دوران مناسکِ حج کی ادائیگی، دعائیں، احرام کی پابندیاں اور دیگر ضروری امور سے متعلق مکمل رہنمائی فراہم کی جائے گی۔ ممتاز علما کرام حج اور دیگر دینی مسائل کے بارے میں عازمین کی رہنمائی کریں گے، جبکہ ویڈیو اور تھری ڈی ویڈیوز کے ذریعے مناسکِ حج کی عملی وضاحت کی جائے گی۔

یہ بھی پڑھیں: مسجدِ نبوی ﷺ کے مؤذن کی بسترِ مرگ پر رقت آمیز آخری اذان وائرل

اس کے علاوہ رہائش گاہوں اور ہوٹلز سے متعلق بھی عازمین کو آگاہ کیا جائے گا۔ تمام عازمینِ حج کے لیے وبائی امراض، خصوصاً گردن توڑ بخار سے بچاؤ کی ویکسین اور پولیو کے قطرے لازمی ہوں گے۔

مکہ مکرمہ اور مدینہ منورہ میں عازمین کی رہنمائی کے لئے معاونین تعینات کئے جائیں گے، جن کی تقرری میرٹ پر کی جائے گی، رواں سال پاکستان سے کم و بیش ایک لاکھ 80 ہزار خوش نصیب فر یضہ حج کی سعادت حاصل کریں گے۔

سرکاری سکیم کے تحت لانگ اور شارٹ پیکیجز متعارف کرائے گئے ہیں، لانگ پیکیج کے تحت قیام کی مدت 40 جبکہ شارٹ پیکیج کے تحت 20 سے 22 دن ہوگی۔