تفصیلات کے مطابق سرد موسم کے پیشِ نظر محکمہ تعلیم نے اسکولز، کالجز اور دیگر تعلیمی اداروں کیلئے تعطیلات کا شیڈول جاری کر دیا۔

جاری کردہ اعلامیے کے مطابق موسمِ سرما کی تعطیلات 23 دسمبر 2025 سے شروع ہوں گی اور 10 جنوری 2026 تک جاری رہیں گی۔

تعطیلات کے اختتام کے بعد تمام اسکولز اور کالجز 13 جنوری 2026 سے معمول کے مطابق کھل جائیں گے۔

محکمہ تعلیم کی جانب سے واضح کیا گیا کہ یہ شیڈول سرکاری اور نجی دونوں تعلیمی اداروں پر یکساں طور پر لاگو ہوگا، کسی بھی اسکول کو اپنے طور پر شیڈول تبدیل کرنے کی اجازت نہیں ہوگی۔

یہ بھی پڑھیں:معذور افراد کیلئے ہزاروں روپے کے ماہانہ وظیفے کا اعلان

واضح رہے کہ یہ فیصلہ سردی کی شدت اور طلبہ کی صحت کے پیش نظر کیا گیا ہے تاکہ بچے بیماریوں سے محفوظ رہ سکیں اور چھٹیوں کے دوران بہتر تیاری کے ساتھ اگلے تعلیمی سیشن کیلئے واپس آئیں۔

والدین اور اساتذہ کو ہدایت کی گئی ہے کہ وہ تعطیلات کے دوران بچوں کی تعلیمی سرگرمیوں پر توجہ دیتے رہیں تاکہ پڑھائی کا تسلسل برقرار رہے۔