ذرائع کا بتانا ہے کہ 3 رکنی انکوائری کمیٹی کی سربراہی ڈی آئی جی ہارون جوئیہ کر رہے تھے، انکوائری کمیٹی میں ڈی آئی جی عتیق طاہر اور ڈی آئی جی آپریشن جواد طارق شامل تھے۔

پولیس ذرائع کے مطابق انکوائری کمیٹی کو ایس پی عدیل اکبر کی خود کشی کے شواہد نہیں ملے، انکوائری کمیٹی کو ایس پی عدیل اکبر کی پوسٹ مارٹم رپورٹ بھی موصول ہو چکی ہے، ایس پی عدیل اکبر کی موت کی وجہ چہرے پر لگنے والی گولی ہی تھی ۔

ذرائع کی جانب سے بتایا گیا ہے کہ انکوائری کمیٹی نے ایس پی کے وائرلیس آپریٹر ڈرائیور اور دیگر سٹاف کے بیانات ریکارڈ کئے، انکوائری کمیٹی نے ماہر نفسیات کا بیان بھی ریکارڈ کیا ، ایس پی عدیل اکبر نے اپنے ڈاکٹر سے دو مرتبہ رجوع کیا تھا۔

یہ بھی پڑھیں: ایس پی اسلام آباد عدیل اکبر نے خود کو گولی مار کر خودکشی کرلی

پولیس ذرائع کے مطابق انکوائری کمیٹی اپنی رپورٹ آج آئی جی اسلام آباد علی ناصر رضوی کو پیش کرے گی ، آئی جی اسلام آباد علی ناصر رضوی اپنی شفارشات کے ساتھ رپورٹ وفاقی وزیر داخلہ محسن نقوی کو پیش کریں گے۔

یاد رہے کہ 23 اکتوبر کو اسلام آباد ایس پی عدیل اکبر اپنی گاڑی میں مردہ حالت میں پائے گئے تھے جس کی تحقیقات کے لیے تین رکنی انکوائری کمیٹی تشکیل دی گئی تھی۔