پاکستان ریلوے نے ملک بھر میں پرانے ٹائم ٹیبل کے مطابق ٹرینیں چلانے کی ہدایت جاری کر دی۔ کراچی، سکھر، ملتان، لاہور، راولپنڈی، پشاور اور کوئٹہ ڈویژن کو پرانے شیڈول پر واپس جانے کا حکم دیا گیا ہے۔

یہ بھی پڑھیں: گھریلو گیس کنکشن کیلئے ایک ماہ میں 3 لاکھ سے زائد درخواستیں

ریلوے افسران اور عملہ نئے ٹائم ٹیبل کے مطابق ٹرینیں وقت پر چلانے میں ناکام رہے اور موسمِ سرما کے نئے ٹائم ٹیبل کے نفاذ کے بعد ٹرینوں کی آمد و رفت میں گھنٹوں تاخیر کی شکایات موصول ہوئیں۔

محکمہ ریلوے نے اپریل تا اکتوبر والا پرانا ٹائم ٹیبل دوبارہ بحال کر دیا ہے۔ نوٹیفکیشن کے مطابق انجینئرنگ و سگنل سسٹم میں بہتری تک موسمِ سرما کا ٹائم ٹیبل التوا میں رہے گا۔