تفصیلات کے مطابق پاکستان تحریک انصاف (پی ٹی آئی) کا وفد امیر جے یو آئی مولانا فضل الرحمان کی رہائش گاہ پہنچا جہاں موجودہ ملکی، سیاسی اور خطے کی صورتحال پر گفتگو کی گئی۔ خیبر پختونخواہ میں امن وامان کے حوالے سے پی ٹی آئی کی جانب سے قومی جرگہ کے انعقاد کی تجویز پر مولانا فضل الرحمان سے مشاورت کی گئی۔

یہ بھی پڑھیں: آزاد کشمیر حکومت سازی کا معاملہ فیصلہ کن مرحلے میں داخل

مولانا فضل الرحمان نے قومی جرگہ کی تجویز کا خیر مقدم کیا جبکہ پاکستان تحریک انصاف (پی ٹی آئی) کے وفد نے پارلیمنٹ میں اپوزیشن کو متحد کرنے کیلئے کردار ادا کرنے کی اپیل کی۔ پی ٹی آئی وفد نے خیبرپختونخوا اسمبلی سے سینیٹ کی خالی نشست پر جے یو آئی سے تعاون کی درخواست کی۔

پاکستان تحریک انصاف (پی ٹی آئی) کے وفد میں سابق اسپیکر اسد قیصر، صوبائی صدر جنید اکبر، شہرام ترکئی شامل تھے جبکہ جے یو آئی کے مولانا صلاح الدین ایوبی، جلال الدین ایڈوکیٹ،مولانا اسجد محمود بھی ملاقات میں شریک تھے۔ مولانا فضل الرحمان کی جانب سے پی ٹی آئی وفد کے اعزاز میں عشائیہ بھی دیا گیا۔