ذرائع کے مطابق بلاول بھٹو زرداری آج آزاد کشمیر کے وزیر اعظم کے امیدوار کا اعلان کریں گے۔ چوہدری لطیف اکبر اور چوہدری یاسین میں سے ایک نام فائنل کیا جائے گا۔ اسپیکر اسمبلی لطیف اکبر وزارتِ عظمیٰ کے لیے مضبوط امیدوار قرار دیئے جا رہے ہیں۔

وزیراعظم انوار الحق کے مستعفی نہ ہونے پر تحریکِ عدم اعتماد پیش کی جائے گی۔ مسلم لیگ (ن) نے تحریکِ عدم اعتماد کے لیے پیپلز پارٹی کی حمایت کا اعلان کر دیا۔ مسلم لیگ (ن) نے حکومت کا حصہ نہ بننے کا فیصلہ کیا۔ آزاد کشمیر اسمبلی کے ارکان کی کل تعداد 53 جبکہ ایک رکن کے استعفے کے بعد 52 رہ گئی۔

یہ بھی پڑھیں: بلاول بھٹو اور مولانا فضل الرحمان کی ملاقات کی اندرونی کہانی سامنے آگئی

حکومت سازی کے لیے 27 ارکان کی حمایت درکار ہے۔ پیپلز پارٹی کے پاس اپنے 17 ارکان اسمبلی موجود ہیں جبکہ ن لیگ کے پاس 9 ممبران اسمبلی موجود ہیں۔ بیرسٹر سلطان گروپ اور فارورڈ بلاک کے مجموعی طور پر 10 ارکان نے پیپلز پارٹی کی حمایت کر دی۔ مسلم لیگ (ن)، سلطان گروپ اور فارورڈ بلاک کی حمایت سے پیپلز پارٹی کی نمبر گیم 36 تک پہنچ گئی۔

وزیر اعظم انوار الحق کے گروپ میں مجموعی طور 10 ارکان اسمبلی موجود ہیں۔ پی ٹی آئی آزاد کشمیر کے پاس 4 ممبران اسمبلی موجود ہیں۔ مسلم کانفرنس اور جے کے پی پی کے پاس ایک ایک نشست ہے۔ اوورسیز نشست پر منتخب رکن محمد اقبال پہلے ہی استعفیٰ دے چکے، اگر تحریک عدم اعتماد ناکام ہوتی ہے تو چھ ماہ سے قبل دوبارہ پیش نہیں کی جائے گی۔