ایڈیشنل ڈسٹرکٹ اینڈ سیشن جج محمد افضل مجوکہ نے بانی پی ٹی آئی عمران خان کیخلاف 9 مئی و دیگر 5 کیسز کی سماعت کی۔ بانی پی ٹی آئی اور بشریٰ بی بی کی جانب سے شمسہ کیانی ایڈووکیٹ عدالت میں پیش ہوئیں، عدالت نے 9 مئی سمیت دیگر 5 مقدمات میں سابق وزیراعظم عمران خان کی گرفتاری سے روک دیا۔

یہ بھی پڑھیں:  اسد قیصر کی عبوری ضمانت میں توسیع

عدالت نے 25 نومبر تک متعلقہ مقدمات میں بانی پی ٹی آئی اور بشریٰ بی بی کی گرفتاری سے روک دیا جبکہ ایڈیشنل ڈسٹرکٹ اینڈ سیشن جج نے عمران خان اور بشریٰ بی بی کی ضمانت قبل از گرفتاری میں توسیع کردی۔ عدالت نے اگلی سماعت میں بانی پی ٹی آئی کو عدالت میں یا بذریعہ ویڈیو لنک پیش کرنے کی ہدایت کردی۔

اڈیالہ جیل حکام نے شوکاز نوٹس کا جواب نہ دیا۔ عدالت نے ضمانت کی درخواستوں پر سماعت 25 نومبر تک ملتوی کردی۔ بانی پی ٹی آئی کے خلاف 9 مئی، اقدام قتل، جعلی رسیدوں سمیت دیگر مقدمات درج ہیں۔ بشریٰ بی بی کیخلاف مبینہ جعلی رسیدیں جمع کروانے پر مقدمہ درج ہے۔