وزیراعلیٰ مریم نواز شریف کی زیرِ صدارت امن و امان پر مسلسل پانچواں اجلاس ہوا جس میں بتایا گیا کہ پنجاب بھر میں تمام مساجد میں نماز جمعہ اور دیگر نمازیں با جماعت ادا کی جا رہی ہیں، مسجد اللہ تعالیٰ کا گھر ہے، مسجد کا تقدس برقرار رکھنا ہر مسلمان پر فرض ہے، شرپسندی کے لئے مساجد استعمال کرنے والوں کی نشاندہی ہر پر امن شہری کا فرض ہے۔

یہ بھی پڑھیں:پنجاب :خصوصی بچوں کے لیے صحت و تحفظ پروگرام کا آغاز

اس موقع پر مریم نواز کا کہنا تھا کہ امام مسجد معاشرے کا قابل احترام اورتکریم فرد ہے، محلے میں چندہ اکٹھا کرکے امام مسجد کو ادائیگی غیر مناسب امر ہے، حکومت پنجاب ضروریات کے لیے امام مسجد کی معاشی معاونت کرے گی۔ وزیراعلیٰ مریم نواز شریف کی مساجد کی تعمیر و مرمت کے پراجیکٹ کی جلد تکمیل کے لئے اقدامات کی ہدایت کر دی۔ مساجد کی تعمیر و مرمت کے پراجیکٹس سالانہ ترقیاتی پروگرام میں شامل ہیں۔

وزیراعلیٰ مریم نواز شریف کی ہدایت پر اجتماع کے لئے رائے ونڈ کی رابطہ سڑکوں کی تعمیر و مرمت مکمل کرلی گئی۔ رائے ونڈ کی سڑکوں پر گڑھے بھی مرمت کر کے پر کردئیے گئے۔ رائے ونڈ تبلیغی اجتماع کے لئے خصوصی بسیں بھی چلائی جائیگی۔ وزیراعلیٰ مریم نواز شریف کی ہدایت پر رائے ونڈ اجتماع کے لئے سیکورٹی کے فول پروف انتظامات کئے گئے۔ مذہبی حلقوں کی جانب سے حکومت کے اقدامات کی تحسین کی گئی۔