الیکشن کمیشن کے مطابق فیصل آباد اور ساہیوال کے پانچ حلقوں میں ضمنی انتخابات ہوں گے، این اے 96، این اے 104، این اے 143، پی پی 98 اور پی پی 203 میں پولنگ ہوگی۔

ترجمان الیکشن کمشنر پنجاب نے بتایا کہ ریٹرننگ آفیسرز کے فیصلوں کے خلاف اپیلوں کی آخری تاریخ 24 اکتوبر مقرر کی گئی ہے، ایپلٹ ٹریبونل اپیلوں کے فیصلے 31 اکتوبر تک کرے گا، امیدواروں کی نظرِ ثانی شدہ فہرست یکم نومبر کو شائع کی جائے گی۔

یہ بھی پڑھیں: وزیراعلیٰ کے حلف کے 6 روز بعد بھی کے پی کابینہ تشکیل نہ دی جا سکی

ان کا کہنا تھا کہ امیدواروں کی دستبرداری کی آخری تاریخ 3 نومبر مقرر کی گئی ہے، انتخابی نشانات الاٹ کرنے کی تاریخ 4 نومبر طے ہے، ضمنی انتخابات کیلئے پنجاب کے پانچ حلقوں میں ضمنی انتخاب کے سلسلے میں پولنگ 23 نومبر 2025 کو ہو گی۔

ترجمان کا مزید کہنا تھا کہ الیکشن کمیشن کی جانب سے الیکشن ایکٹ 2017 کے تحت نیا شیڈول جاری کیا گیا ہے،الیکشن کمیشن نے ضابطہ اخلاق پر عمل درآمد یقینی بنانے کی ہدایت کی ہے۔