ڈی جی ماحولیات ڈاکٹر عمران حامد شیخ نے کہا کہ دھواں چھوڑنے والی گاڑیاں آج سے سڑک پر نہیں چلیں گی، ٹریفک پولیس فوری کریک ڈاؤن کرے، بغیر فٹنس اور بغیر VICS سرٹیفکیٹ گاڑیوں کو فوراً بند کیا جائے، حکم جاری کر دیا ہے، ٹریفک جام اور ہاٹ اسپاٹس پر رش ختم کیا جائے، ٹریفک پولیس اوقات بدلنے کے احکامات پر فوری عمل کرے۔

یہ بھی پڑھیں: ایک ہفتے کے دوران سونے کی قیمت میں غیرمعمولی اضافہ ریکارڈ

ڈاکٹر عمران حامد شیخ کا کہنا تھا کہ شہر کی سڑکوں اور تعمیراتی مقامات پر روزانہ دو بار پانی کا چھڑکاؤ لازمی ہوگا، کوڑا جلانے والوں کو اب کوئی رعایت نہیں، فوری گرفتاری اور مقدمات درج کیے جائیں، تمام کنسٹرکشن سائٹس پر ماحولیاتی شرائط کی خلاف ورزی برداشت نہیں کی جائے گی۔
انہوں نے کہا کہ ڈمپ مٹی، ریت اور ملبہ بغیر کور لے جانے والی گاڑیوں کو فوراً پکڑا جائے، بار بار وارننگ ختم، اب کارروائی ہوگی، فصلوں کی باقیات جلانے والوں کے خلاف زیرو ٹالرنس، ایگری کلچر ٹیمیں فیلڈ میں نکلیں، سڑکوں پر دھول اور مٹی اب سموگ کا ایندھن نہیں بننے دیں گے، میونسپل ادارے روزانہ کارروائی کریں، سکولوں میں بچوں اور والدین کو ماسک کے استعمال پر پابند کیا جائے، ایجوکیشن ڈیپارٹمنٹ متحرک ہو، تمام ادارے غیر سنجیدگی چھوڑیں، فضائی آلودگی اب صرف زبانی نہیں، عملی جنگ ہوگی۔