موٹروے پولیس کے ترجمان کے مطابق مرمت اور دیکھ بھال کی سرگرمیوں کے باعث عارضی رکاوٹیں پیدا ہوئی ہیں جس سے گاڑیوں کی آمدورفت سست ہو گئی ہے۔

صورتحال کو قابو میں رکھنے کے لیے متعلقہ حصے پر اضافی پیٹرولنگ یونٹس اور عملہ تعینات کر دیا گیا ہے تاکہ حفاظت کو یقینی بنایا جا سکے اور نظم و ضبط برقرار رہے۔

یہ بھی پڑھیں: ییلو لائن منصوبہ تاخیر کا شکار،لاہور ٹرانزٹ خواب ادھورا

حکام کا کہنا ہے کہ بھاری ٹریفک والی گاڑیوں کو عارضی طور پر اس علاقے میں داخلے سے روکا گیا ہے تاکہ ٹریفک جام نہ ہو۔ ڈرائیور حضرات سے درخواست کی گئی ہے کہ وہ صبر کا مظاہرہ کریں، ٹریفک قوانین پر عمل کریں اور ڈیوٹی پر موجود افسران کے ساتھ تعاون کریں۔

موٹروے پولیس نے مزید مشورہ دیا ہے کہ مسافر روانگی سے قبل ٹریفک کی تازہ صورتحال چیک کریں اور کسی بھی معلومات یا مدد کے لیے ہیلپ لائن 130 پر رابطہ کریں۔