سکیورٹی ذرائع کے مطابق سکیورٹی فورسز نے انٹیلی جنس کی بنیاد پر آپریشن کیا اوراس دوران اورکزئی حملے کے ذمہ دار دہشتگردوں کو گھیرے میں لے لیا گیا۔ فورسز کی مؤثر کارروائی کے نتیجے میں تمام تیس دہشتگردوں کو جہنم واصل کر دیا گیا۔

یہ بھی پڑھیں: ڈی آئی خان میں پاک فوج کا آپریشن، 7 خوارج ہلاک، میجر سبطین شہید

ذرائع کے مطابق یہ دہشتگرد فتنہ الخوارج نامی بھارتی پراکسی تنظیم سے وابستہ تھے اور ملک میں دہشتگردی کی متعدد کارروائیوں میں ملوث تھے۔ سکیورٹی فورسز نے اس عزم کا اظہار کیا ہے کہ ملک بھر سے دہشتگردی کے مکمل خاتمے تک آپریشن جاری رہے گا اور شہداء کے خون کا بدلہ ہر صورت لیا جائے گا۔