تفصیلات کے مطابق وفاقی دارالحکومت اسلام آباد ٹریفک پولیس نے شہریوں کی سہولت کے لیے "آن لائن ای لرنرز پرمٹ” کا باقاعدہ آغاز کر دیا۔ شہری بغیر کسی دشواری کے گھر بیٹھے با آسانی اپنا لرنرز پرمٹ حاصل کر سکتے ہیں۔
چیف ٹریفک آفیسر کیپٹن (ر) حمزہ ہمایوں نے کہا کہ اسلام آباد پولیس شہریوں کی آسانی اور سہولت کے لیے جدید اقدامات جاری رکھے ہوئے ہے۔ گزشتہ روز آئی جی اسلام آباد نے ڈرائیونگ لائسنس بنوانے کی مدت میں 7 روز کی توسیع کی تھی۔
یہ بھی پڑھیں: حضرت خواجہ غلام فریدؒ کا عرس، یکم اکتوبر کو چھٹی کا اعلان
اسلام آباد کے شہریوں کے لیے بڑی خوشخبری!
— Islamabad Police (@ICT_Police) September 26, 2025
اسلام آباد ٹریفک پولیس نے شہریوں کی سہولت کے لیے "Online E-Learners Permit" کا باقاعدہ آغاز کر دیا ہے۔
شہری بغیر کسی دشواری کے گھر بیٹھے با آسانی اپنا لرنرز پرمٹ حاصل کر سکتے ہیں۔ اسلام آباد پولیس شہریوں کی آسانی اور سہولت کے لیے جدید… pic.twitter.com/Mkf4kKtHj4
آئی جی اسلام آباد نے ڈرائیونگ لائسنس بنوانے کی مدت میں توسیع کرتے ہوئے کہا تھا کہ شہری 7 اکتوبر تک ہر صورت اپنا ڈرائیونگ لائسنس بنوائیں۔
اس سے قبل آئی جی اسلام آباد کی زیرصدارت پبلک سروس ڈلیوری کے حوالے سے اہم اجلاس منعقد ہوا تھا، جس میں شہریوں کو سہولتیں فراہم کرنے اور ٹریفک نظام کو مزید مؤثر بنانے کے لیے بڑے فیصلے کیے گئے تھے۔ ترجمان اسلام آباد پولیس نے بتایا تھا کہ آئی جی نے لائسنس کے اجرا کے عمل کو مزید تیز کرنے اور عوام کو سہولیات مہیا کرنے کی ہدایات جاری کیں۔
