چیف ٹریفک آفیسر (سی ٹی او) اسلام آباد حمزہ ہمایوں کے مطابق لائسنس کے بغیر ڈرائیونگ کرنے والے ڈرائیورز کے خلاف اب کارروائی ہو گی اور بغیر لائسنس ڈرائیونگ کرنے والوں پر مقدمہ درج کیا جائے گا۔

یہ بھی پڑھیں: ڈرائیونگ ٹیسٹ اب اے آئی گاڑی لے گی

انہوں نے کہا کہ بغیر لائسنس ڈرائیونگ کرنے والوں کی گرفتاری ہو گی اور بغیر لائسنس ڈرائیونگ کرنے والوں کی گاڑی بھی بند کر دی جائے گی۔ اسلام آباد ٹریفک پولیس یکم اکتوبر تک شہریوں کو سہولت فراہم کرے گی۔
حمزہ ہمایوں نے کہا کہ شہری فیض آباد، ایف سیکس سہولت مرکز اور ٹریفک سہولت وینز سے لائسنس بنوا سکتے ہیں اور لائسنس کی ڈیجیٹل کاپی ناقابل قبول ہے۔ اس لیے شہری لائسنس کی فزیکل کاپی اپنے ساتھ رکھیں، بغیر لائسنس گاڑی چلانا اپنی اور دوسروں کی جان کے لیے خطرہ ہوتا ہے اور اسلام آباد ٹریفک پولیس کسی بھی شہری کی جان خطرے میں ڈالنے کی ہرگز اجازت نہیں دے گی۔