تفصیلات کے مطابق شیرافضل مروت نےکہا ہے کہ علیمہ خان، سلمان راجہ سمیت سازشی گروہ کو پارٹی سے فوری نکالا جائے۔ میں عمران خان کیلئے اپنا کردار ادا کرنا چاہتا ہوں مگر مجھے عوام اور اپنے درمیان کوئی مداخلت نہیں چاہیے، جیسے 9مئی کے بعد میں نے احتجاج کی قیادت کی۔

یہ بھی پڑھیں: پی ٹی آئی کا 5 اگست کی احتجاجی تحریک میں اسلام آباد نہ جانے کا فیصلہ

مزید برآں سماجی رابطے کی ویب سائٹ ایکس پر پی ٹی آئی کے کارکنوں کے نام جاری پیغام میں شیر افضل مروت کا مزید کہناتھا کہ مجھے پورے پاکستان میں عوام کو متحرک کرنے کیلئے کم از کم ایک ماہ درکار ہے۔ اس لئے احتجاج کی نئی تاریخ دینی ہوگی، پارٹی کو میرے ساتھ ناانصافی اور بے عزتی کرنے پر مجھ سے معافی مانگنی چاہیے۔