صوابی میں احتجاجی تیاریوں کے حوالے سے پریس کانفرس کرتے ہوئے پی ٹی آئی رہنما اسد قیصر کا کہنا تھا کہ 5 اگست کے احتجاج کے حوالے سے تمام تر تیاریاں مکمل کر لی ہیں، ہم آئین اور قانون کے دائرے میں رہتے ہوئے پرامن تحریک چلائیں گے۔

سابق سپیکر قومی اسمبلی نے کہا کہ آج سے دو سال قبل 5 اگست کے روز بانی پی ٹی آئی عمران خان کو گرفتار کیا گیا تھا ، ہمارا صرف مطالبہ یہ ہے بانی پی ٹی آئی کے کیسز کا میرٹ پر شفاف ٹرائل کیا جائے۔

یہ بھی پڑھیں: عمران خان کا ضمنی انتخابات کے بائیکاٹ کا اعلان

اسد قیصر کا کہنا تھا کہ عمر ایوب، شبلی فراز اور زرتاج گل سمیت دیگر پی ٹی آئی رہنماؤں کو سزائیں غلط طور پر دی گئی ہیں، پیٹرن انچیف پی ٹی آئی کا وزیراعلیٰ خیبرپختونخوا علی امین گنڈاپور کے حوالے سے بیان کہ "کارکردگی دکھا نہیں سکتے تو استعفیٰ دیں" کی تصدیق نہیں ہوئی۔

پی ٹی آئی رہنما نے مزید کہا کہ ہم دنیا کے ساتھ تجارت کے خواہاں ہیں، ہمارے صوبے کے وسائل کسی دوسرے کو نہ دیے جائیں، افغانستان کے راستے کھولے جائیں تاکہ معیشت محفوظ ہو۔