وزیر اعلیٰ خیبرپختونخوا سردار علی امین گنڈاپور کی زیر صدارت اہم اجلاس میں احتجاجی ریلی کے انتظامات کو حتمی شکل دے دی گئی۔

ذرائع کے مطابق اجلاس میں شریک پاکستان تحریک انصاف (پی ٹی آئی) رہنماؤں نے فیصلہ کیا کہ 5 اگست کو پشاور میں ایک بڑی احتجاجی ریلی نکالی جائے گی جو عوامی طاقت کا مظاہرہ ہوگی۔

پارٹی ذرائع کے مطابق ریلی کا آغاز حیات آباد ٹول پلازے سے شام 4 بجے ہوگا، جو رنگ روڈ اور جی ٹی روڈ سے گزرتے ہوئے قلعہ بالا حصار پر اختتام پذیر ہوگی۔

پی ٹی آئی رہنماؤں کا کہنا ہے کہ ریلی میں مختلف علاقوں سے کارکنوں کی بھرپور شرکت یقینی بنانے کی ہدایت جاری کر دی گئی ہے، یہ احتجاج مہنگائی، سیاسی انتقامی کارروائیوں اور جمہوری حقوق کی بحالی کیلئے ہے۔

یہ بھی پڑھیں:وزیر اعلیٰ خیبرپختونخوا اگر امن و امان قائم نہیں کرسکتے تو استعفی دے، عمران خان

دوسری جانب پارٹی قیادت نے تمام ضلعی تنظیموں کو متحرک رہنے اور کارکنوں کو منظم انداز میں ریلی میں شرکت کی ہدایت کی ہے۔

پارٹی رہنماؤں کی جانب سے دعوی کی جا رہا ہے کہ 5 اگست کو پشاور ایک بار پھر پاکستان تحریک انصاف (پی ٹی آئی) کی سیاسی طاقت کا مرکز بننے جا رہا ہے۔