تفصیلات کے مطابق پولیس کا کہنا ہے کہ پولیس نے بچے کو حراست میں لے کر حولات میں بند کر دیا۔ بچے کے والدین میں سے ابھی تک کوئی تھانہ نہیں آیا۔ جاں بحق ہونے والے شخص کے لواحقین تھانہ میں آئے مگر ایف آئی آر نہیں دی۔ لواحقین کی طرف سے درخواست وصول ہونے کے بعد کارروائی عمل میں لائی جائے گی۔
یہ بھی پڑھیں: ملک بھر میں 10 جولائی تک شدید بارشوں ، سیلابی صورتحال کا الرٹ
بعدازں پولیس نے کمسن ڈرائیور کے خلاف مقدمہ درج کر لیا۔ مقدمہ 14 سالہ حاشر ولد عمر کے خلاف شاہدرہ ٹاؤن میں درج کیا گیا۔ کار حادثے میں 1 شخص موقع پر ہی جاں بحق جبکہ 2 افراد زخمی ہوئے۔ مقدمہ متوفی ملک امین کے بڑے بھائی ملک نوید کی مدعیت میں درج کیا گیا ہے۔ ایف آئی آر میں اقدام قتل کی دفعات شامل کی گئیں۔
شاہدرہ ٹاؤن میں کم سن ڈرائیور کے ہاتھوں حادثے کی ایک اور سی سی ٹی وی، حادثے کے بعد شہریوں نے بچے پر تشدد بھی کیا تاہم موقع پر موجود دوکاندار نے اسے بچایا۔ pic.twitter.com/WWPfFm44XD
— Muhammad Umair (@MohUmair87) July 7, 2025
آئی جی پنجاب ڈاکٹر عثمان انور نے واقعے کا نوٹس لیتے ہوئے کم عمر ڈرائیورز کی ٹریفک خلاف ورزیوں پر اظہار برہمی کرتے ہوئے لاہور سمیت صوبہ بھر میں کم عمر ڈرائیورز کے خلاف کریک ڈاؤن تیز کرنے کا حکم دے دیا۔
آئی جی پنجاب کا کہنا تھا کہ حادثات کا موجب بغیر لائسنس، کم عمر ڈرائیورز کو ہرگز سڑکوں پر نہ آنے دیں، سیف سٹیز کیمروں کی مدد سے خلاف ورزی کے مرتکب اور کم سن ڈرائیورز کی نشاندہی کی جائے، سڑکوں پر جانی نقصانات کا باعث کم عمر ڈرائیورز کے والدین کے خلاف بھی سخت کارروائی عمل میں لائی جائے۔
انہوں نے کہا کہ اوور سپیڈنگ، اوور لوڈنگ، ون وے کی خلاف کرنے والوں کے خلاف زیرو ٹالرنس اپنائیں، سی ٹی اوز، ڈسٹرکٹ ٹریفک افسران، ڈی پی اوز فیلڈ میں نکلیں، ٹریفک قوانین پر عملدرآمد یقینی بنائیں۔
