اب روٹ پرمٹ لینے کے لیے دفاتر کے چکر لگانے کی ضرورت نہیں، بلکہ درخواست، فیس کی ادائیگی اور پرمٹ حاصل کرنے کا سارا کام اب آن لائن کیا جا سکتا ہے۔

محکمہ ٹرانسپورٹ کے حکام کے مطابق اس نئے نظام سے وقت کی بچت ہوگی، رشوت اور سفارش کا سلسلہ کم ہوگا نیز تمام کام آسانی سے ہو سکے گا۔ درخواست دہندگان پنجاب پورٹل یا موبائل ایپ کے ذریعے اپنے کاغذات جمع کروا سکتے ہیں۔

مزید یہ کہ جلد ہی ٹریفک چالان اور فٹنس سرٹیفکیٹ بھی اسی سسٹم کے ذریعے دیا جائے گا، جس سے ٹرانسپورٹرز کو مزید آسانی ہوگی۔

صوبائی وزیر ٹرانسپورٹ نے اعلان کیا ہے کہ اس پیش رفت سے عوامی سہولتوں میں اضافہ ہوگا اور ٹرانسپورٹ کا شعبہ نئے دور میں داخل ہو گا۔ شہریوں اور گاڑی مالکان نے اس فیصلے کو خوش آئند قرار دیتے ہوئے اُمید ظاہر کی ہے کہ اگر نظام درست طریقے سے چلایا گیا تو مسائل میں کافی کمی آئے گی۔