تفصیلات کے مطابق یونیورسٹی انتظامیہ کی جانب سے جاری کردہ نوٹیفکیشن میں کہا گیا ہے کہ محرم الحرام کی آمد اور احترام کی مناسبت سے درس و تدریس اور انتظامی امور مکمل طور پر معطل رہیں گے۔ اس دوران یونیورسٹی کی تمام تعلیمی و انتظامی سرگرمیاں موقوف رہیں گی۔
نوٹیفکیشن وائس چانسلر کی منظوری سے جاری کیا گیا، اس میں بتایا گیا کہ سکیورٹی عملہ معمول کے شیڈول کے مطابق اپنی خدمات سرانجام دیتا رہے گا تاکہ یونیورسٹی کی حفاظت اور سکیورٹی کو یقینی بنایا جا سکے۔
یونیورسٹی انتظامیہ کا کہنا ہے کہ محرم الحرام کا آغاز اسلامی کیلنڈر کا اہم حصہ ہے اور اس موقع پر طلبہ، اساتذہ اور عملے کو مذہبی ہم آہنگی اور احترام کا پیغام دیا گیا ہے۔
واضح رہے کہ حکومت خیبرپختونخوا کی ہدایت پر یونیورسٹی میں عام تعطیل کا مقصد محرم الحرام کی مناسبت سے مسلمانوں کو عبادات اور مجالس میں شرکت کا موقع فراہم کرنا ہے۔
خیال رہے کہ اس تعطیل کا مقصد طلبہ اور عملے کو محرم کی مناسبت سے عبادت، دعا اور دیگر مذہبی فرائض میں حصہ لینے کا موقع دینا ہے۔
