6 اور 7 مئی کی درمیانی بھارت نے پاکستان پر بزدلانہ حملہ کیا، بھارتی میزائلوں نے 6 مقامات کو نشانہ بنایا جس میں 26 عام شہری شہید جبکہ 46 زخمی ہوئے، بھارت نے بزدلانہ اقدام اٹھاتے ہوئے رات کی تاریکی میں پاکستان نے 6 شہروں میں مساجد اور گھروں کو نشانہ بنایا۔

افواج پاکستان نے دشمن کو بھرپور جواب دیتے ہوئے ٹھیک 5 منٹ بعد بھارت کا پہلا طیارہ مار گرایا جبکہ مجموعی طور پر پاکستان ایئرفورس کے بہادر جوانوں نے 5 بھارتی طیاروں کو مارگرایا جس میں تین رافیل طیارے بھی شامل تھے جن پر بھارت کو بہت ناز تھا۔

پاک افواج نے جوابی کاروائی میں بھارت کا بریگیڈ ہیڈکوارٹر بھی تباہ کر دیا۔ نکیال، جولی، بڈوری پیرکنٹھی اور تتہ پانی سیکٹر میں پاکستانی فورسز نے بھرپور جوابی کارروائی کی جس کے بعد بھارتی فوجی چوکیاں چھوڑ کر بھاگ گئے۔

پاکستان آرمی کی جانب سے لائن آف کنٹرول پر دشمن کی پوسٹوں کو بھاری نقصان کے بعد بھارتی فوج نے لائن آف کنٹرول کے چورا کمپلیکس پر سفید جھنڈا لہرا دیا، سفید جھنڈا لہرا کر بھارتی فوج نے شکست تسلیم کر لی۔

ترجمان پاک فوج کے مطابق پاکستان فوج دشمن کی جارحیت کا منہ توڑ جواب دے رہی ہے، عالمی قوانین مذہبی اور مقدس مقامات کو نشانہ بنانے کی اجازت نہیں دیتے، بھارتیوں کو موت کا ڈر اور ہمیں شہادت کی آرزو ہے، ابھی ہم نے جوابی کارروائی کی ہے، بھارت کو سخت جواب کیلئے وقت اور جگہ کا تعین ہم خود کریں گے۔