تفصیلات کے مطابق ایبٹ آباد میں پاکستان تحریک انصاف (پی ٹی آئی) کے صوبائی صدر جنید اکبر خان نے کینٹ چوک میں کارکنان سے خطاب کرتے ہوئے کہا کہ ہمارا مقابلہ سیاسی جبر کے ساتھ ہے، ہم اب آئیں گے دیکھتے ہیں کون بھاگتا ہے، جتنے بھی مقدمات درج کرنے ہیں کرلیں، ہم اس دفعہ بتائیں گے کہ کس سے واسطہ پڑا ہے۔
پاکستان تحریک انصاف (پی ٹی آئی) رہنما نے کہا کہ بانی چئیرمین پاکستان تحریک انصاف (پی ٹی آئی) کا نام مٹانے والے خود ختم ہوجائیں گے، احتجاج کرنا ہمارا آئینی حق ہے، ہم نے ریاستی جبر برداشت کیا جیلوں میں بھی گئے، ہمیں اس فسطائیت کی حکومت سے کسی بھی قسم کی توقع نہیں، حکومت خود قانون نہیں مان رہی اور بارہا آئین کی خلاف ورزیاں کر رہی ہے۔
صوبائی صدر خیبرپختونخوا کا کہنا تھا کہ اگر کوئی ہماری عزت نہیں کرتا تو ہم بھی اس کی عزت نہیں کریں گے۔
انہوں نے کہا کہ نفرت کے بیج کون بو رہا ہے ڈنڈے سے محبت نہیں آئے گی، عمران خان جب تک نفرت کرتے رہیں گے ہماری نفرت بھی برقرار رہے گی، بڑے بڑے فرعون آئے اور چلے گئے، جب یوتھ نکلے گی تو انہیں کوئی نہیں روک سکے گا۔
انہوں نے مزید کہا کہ جب تک بانی چئیرمین پاکستان تحریک انصاف (پی ٹی آئی) کی رضا مندی نہ ہو مائنز اینڈ منرل ایکٹ پاس نہ کیا جائے ورنہ ایسا نہ ہو صوبائی حکومت اور صوبائی تنظیم علیحدہ ہوجائے۔
