اس حوالے سے جیل سپرنٹنڈنٹ کی جانب سے ایک خط متعلقہ سیکیورٹی اداروں کو ارسال کیا گیا ہے۔

واضح رہے کہ عمران خان کو 15 اپریل کو اسلام آباد کی ڈسٹرکٹ اینڈ سیشن کورٹ میں ایڈیشنل سیشن جج افضل مجوکہ کے حکم پر ان کے روبرو پیش کیا جانا ہے۔

عمران خان کیخلاف اقدام قتل، جعلی رسیدوں اور دیگر نوعیت کے مقدمات میں ضمانت کی درخواستیں زیرِ سماعت ہیں، جن پر عدالت کی جانب سے بانی پاکستان تحریک انصاف (پی ٹی آئی) کی ذاتی پیشی لازمی قرار دی گئی ہے۔

خیال رہے کہ عمران خان ایک اہم اور ہائی پروفائل قیدی ہیں، جنہیں پیشی کے دوران کسی بھی ممکنہ خطرے سے بچانے کیلئے سخت حفاظتی اقدامات ناگزیر ہیں۔ اسی تناظر میں عدالت میں پیشی کے موقع پر اضافی سیکیورٹی گارڈز کی فراہمی کا مطالبہ کیا گیا ہے تاکہ کسی بھی ناخوشگوار واقعے سے بچا جا سکے۔