تفصیلات کے مطابق کراچی میں داؤدی بوہرہ جماعت نے آج عید الفطر مذہبی جوش و جذبے سے منائی۔ نمازعید کے اجتماعات میں ملک و قوم کی بقا، سالمیت، اور امن و امان کیلئے خصوصی دعائیں کی گئیں۔

داؤدی بوہرہ جماعت کے افراد نے کراچی کے مختلف مقامات پر نماز عید ادا کی۔ اس موقع پر دہشت گردی کے خاتمے، ملک کی ترقی، خوشحالی اور عوام کی فلاح و بہبود کیلئے دعا کی گئی۔ سب سے بڑا اجتماع کراچی کے صدر کی طاہری مسجد میں منعقد ہوا، جہاں بڑی تعداد میں جماعت کے افراد نے شرکت کی۔

نماز عید کے اجتماعات پان منڈی، سولجر بازار، بلوچ کالونی، نارتھ ناظم آباد اور حیدری میں بھی ہوئے، بوہری جماعت کے افراد نے ایک دوسرے کے ساتھ خوشیاں بانٹیں اور اللہ کے حضور ملک کی تقدیر کے روشن ہونے کیلئے دعا کی۔

داؤدی بوہری جماعت کی عید الفطر کی تقریبات میں ملکی امن و استحکام کیلئے دعاؤں کا سلسلہ جاری رہا۔ اس موقع پر افراد نے ایک دوسرے کو عید کی خوشیوں میں شریک ہونے کی دعوت دی۔