دہشت گردی کے خطرات اور بڑھتی ہوئی سکیورٹی صورتحال کے باعث صوبے میں عید کی روایتی تقریبات شدید متاثر ہوں گی۔

وفاقی حکومت نے اس حوالے سے اہم رہنماؤں بشمول مولانا فضل الرحمان کو احتیاطی تدابیر اختیار کرنے کی ہدایت کی ہے۔ ان میں سے بیشتر رہنماؤں کو اپنی رہائش گاہوں پر نماز عید ادا کرنے کی درخواست کی گئی ہے۔

علاوہ ازیں سیاسی شخصیات کو عوامی سطح پر عید ملن تقریبات کو محدود رکھنے کی ہدایت بھی کی گئی ہے، تاکہ سکیورٹی صورتحال پر قابو پایا جا سکے۔ اسی طرح، رہائش گاہوں اور حجروں پر بھی خصوصی حفاظتی انتظامات کرنے کی تاکید کی گئی ہے۔

دوسری جانب صوبائی حکومت کی جانب سے تمام سیاسی شخصیات کیلئے اضافی سکیورٹی فراہم کی گئی ہے۔