علما کے مطابق صدقہ فطر اُس شخص پر فرض ہے جو اس مال کا مالک ہو جس کی قیمت ساڑھے باون تولہ چاندی کے برابر ہو۔ یعنی اس کی مالیت ایسی ہو کہ وہ معاشرتی اور اقتصادی طور پر محتاج نہ ہو۔
یہ صدقہ عید الفطر کی صبح صادق سے پہلے ادا کرنا ضروری ہے، اور یہ نہ صرف بالغ افراد پر لازم ہے بلکہ نابالغ بچوں کیلئے بھی ان کے والدین یا سرپرست پر صدقہ فطر ادا کرنا ضروری ہے۔ حتیٰ کہ اگر عیدالفطر کے دن کسی بچہ کی پیدائش ہو، تو بھی والدین کو اُس بچے کی طرف سے صدقہ فطر ادا کرنا ہوگا۔
صدقہ فطر کا مقصد معاشرتی مساوات کو فروغ دینا اور ضرورت مندوں کی مدد کرنا ہے، تاکہ وہ بھی عید کی خوشیوں میں شریک ہو سکیں۔ اس فریضہ کے ذریعے رمضان کے اختتام پر مسلمانوں کو مالی طور پر پاکیزہ اور روحانی طور پر متوازن کرنے کا موقع ملتا ہے۔
مذہبی سکالرز کا کہنا ہے کہ صدقہ فطر کی ادائیگی سے فرد کی عبادات میں مزید برکتیں آتی ہیں اور یہ ایک اہم عبادت ہے، جسے ترک نہیں کرنا چاہیے۔
