درخواست پر سماعت قائم مقام چیف جسٹس سرفراز ڈوگر کی سربراہی میں ہوئی، وکیل بابر اعوان نے عدالت کو آگاہ کیا کہ گزشتہ سماعت پر فریقین کو نوٹس دیا گیا تھا، لیکن جیل سپرنٹنڈنٹ اور آئی جی جیل خانہ جات کا جواب تاحال نہیں آیا۔

بابر اعوان نے بتایا کہ سینیٹ کے آئندہ اجلاس کی تاریخ طلب کی گئی ہے، تاہم ابھی تک اس کا تعین نہیں ہو سکا۔ عدالت نے استفسار کیا کہ سینیٹ کا اجلاس ابھی نہیں ہو رہا؟ جس پر بابر اعوان نے بتایا کہ سینیٹ اجلاس تو نہیں لیکن قائمہ کمیٹی کا اجلاس ہو رہا ہے۔ جس کمیٹی کا اجلاس ہے اس نے بھی کہا کہ اعجاز چوہدری کو پیش کریں۔

عدالت نے اس موقع پر عید کے بعد کی تاریخ مقرر کرتے ہوئے سماعت 8 اپریل تک ملتوی کر دی۔ قائم مقام چیف جسٹس سرفراز ڈوگر نے کہا کہ تب تک سینیٹ اجلاس کی آئندہ تاریخ معلوم کر لی جائے۔