عمران خان کی ضمانت منسوخ کرنے کیلئے دائر اپیل سماعت کیلئے مقرر
بانی پاکستان تحریک انصاف (پی ٹی آئی) و سابق وزیراعظم عمران خان میڈیا سے گفتگو کرتے ہوئے/ فائل فوٹو
February, 21 2025
اسلام آباد: (سنو نیوز) سپریم کورٹ نے 9 مئی مقدمات میں عمران خان، خدیجہ شاہ اور پی ٹی آئی کارکنوں کی ضمانت منسوخی کی اپیلیں 27 فروری کو سماعت کے لئے مقرر کر دیں۔
تفصیلات کے مطابق چیف جسٹس پاکستان یحییٰ آفریدی کی سربراہی میں تین رکنی بنچ 27 فروری کو سماعت کرے گا۔ جسٹس شفیع صدیقی اور جسٹس میاں گل حسن اورنگزیب بنچ کا حصہ ہونگے۔ عدالت نے عمران خان کا جسمانی ریمانڈ کالعدم قرار دینے کیخلاف اپیلیں بھی سماعت کیلئے مقرر کر دیں۔
پی ٹی آئی رہنما عالیہ حمزہ اور شہریار آفریدی کی ضمانت منسوخی کیلئے اپیلیں بھی سماعت کیلئے مقرر جبکہ شیخ رشید کی جی ایچ کیو حملہ کیس میں بریت کی درخواست بھی سماعت کیلئے لگا دی گئی۔ چیف جسٹس یحیی آفریدی کی سربراہی میں تین رکنی بنچ 28 فروری کو سماعت کرے گا۔ جسٹس شفیع صدیقی اور جسٹس میاں گل حسن اورنگزیب بنچ میں شامل ہونگے
یاد رہے ضمانت منسوخی کیلئے پنجاب حکومت نے سپریم کورٹ سے رجوع کر رکھا ہے جبکہ شیخ رشید کی بریت کی درخواست ٹرائل کورٹ اور ہائیکورٹ نے مسترد کر دی تھی۔
ضرور پڑھیں
