ذرائع کے مطابق بانی چئیرمین  پاکستان تحریک انصاف (پی ٹی آئی) عمران خان نے 26ویں آئینی ترمیم کے وقت غائب ہونے والے پاکستان تحریک انصاف (پی ٹی آئی) اراکین کیخلاف کارروائی کا فیصلہ لیا ہے۔

 ذہن نشین رہے کہ ترمیم کے دوران غائب ہونے والے اراکینِ قومی اسمبلی کو پارٹی کی جانب سے شوکاز نوٹس بھی جاری کیے گئے تھے، جس کے جواب پارٹی کو وصول ہوئے ، تاہم شوکاز نوٹس کے جواب میں تحریک انصاف کی قیادت نے فیصلہ کیا اور عمران خان کو بھی اس حوالے سے اعتماد میں لیا۔

 خیال رہے کہ  بانی پاکستان تحریک انصاف (پی ٹی آئی) نے شاہ محمود قریشی کے بیٹے ذین قریشی کے علاوہ سب کو پارٹی سے نکالنے کا حکم  دیا ہے،عمران خان نے کہا ہے  کہ مجھے سب پتا ہے کہ ان کے ساتھ کیا ہوا، میں پاکستان تحریک انصاف (پی ٹی آئی) ورکرز کے ساتھ زیادتی نہیں کروں گا ،جب میں اور ورکرز ڈٹ کر کھڑے ہیں تو یہ عوام کے ووٹ لیکر کیوں نہیں ڈٹے؟

 واضح رہے کہ پارٹی سے نکالے جانے والے پاکستان تحریک انصاف (پی ٹ آئی) کے حمایت یافتہ اراکین  ظہور حسین قریشی، مبارک زیب، چوہدری عثمان اورنگزیب کھچی اور چوہدری الیاس ہیں۔