تفصیلات کے مطابق نجی نیوز چینل سے گفتگو کرتے ہوئے ان کا کہنا تھا کہ مجھے مفاد پرست ٹولے نے پارٹی سے نکلوایا ہے، اس ٹولے کی جانب سے گزشتہ ایک سال سے بانئ چئیرمین پاکستان تحریک انصاف (پی ٹی آئی) کو محصور کیا گیا ہے۔

انہوں نے کہا کہ اپنے معاملے پر عمران خان سے ملاقات کی اب خواہش نہیں ہے، بار بار پارٹی سے نکال کر میری بے توقیری کی جا رہی ہے، مزید اپنی بےتوقیری برداشت نہیں کر سکتا۔

شیر افضل مروت نے کہا کہ مجھے پارٹی سے نکالنا مکمل ناانصافی پر مبنی ہے، میرا مؤقف سنے بغیر ہی مجھے پارٹی سے نکال دیا گیا جو کہ افسوسناک ہے،میں نے مشکل وقت میں پارٹی کا ساتھ دیا۔

خیال رہے کہ گزشتہ روز بانیٔ چئیرمین پاکستان تحریک انصاف (پی ٹی آئی) عمران خان نے شیر افضل مروت کو پارٹی ڈسپلن کی خلاف ورزی کرنے کیوجہ سے نکال دیا تھا۔

واضح رہے کہ پارٹی سے نکالے کانے کے قبل  کہ شیر افضل مروت کو پارٹی قیادت کیخلاف بیانات دینے پر پہلے شوکاز نوٹس دیا گیا تھا۔

ذرائع نے مزید دعویٰ کیا کہ صوابی جلسے میں غیر ضروری تقریر پر بانیٔ چئیرمین پاکستان تحریک انصاف (پی ٹی آئی) نے شیر افضل مروت پر اظہارِ برہمی کیا تھا، پارٹی قیادت کی جانب سے آج شیر افضل مروت کی بنیادی رکنیت ختم کرنے کا نوٹیفکیشن بھی جاری کیا گیا تھا۔