پولیس کے مطابق یہ واقعہ حافظ آباد کے علاقے کوٹ نکہ میں پیش آیا، جہاں نامعلوم ملزمان نے پاکستان تحریک انصاف (پی ٹی آئی) کے مقامی رہنما قمر جاوید کو فائرنگ کا نشانہ بنایا، جس سے وہ موقع پر ہی دم توڑ گئے۔

پولیس کا مزید کہنا تھا کہ پی ٹی آئی رہنما قمر جاوید ایڈووکیٹ کو نماز فجر کے لیے مسجد جاتے ہوئے فائرنگ کا سامنا کرنا پڑا جبکہ ملزمان موقع سے فرار ہوگئے۔ پولیس کے مطابق مقتول قمر جاوید ایڈووکیٹ گزشتہ انتخابات میں پی ٹی آئی کے صوبائی امیدوار تھے۔