یوم کشمیر پر پنجاب میں عام تعطیل کا اعلان
پنجاب حکومت کی جانب سے 5 فروری کی تعطیل کا اعلان کیا گیا/ فائل فوٹو
February, 3 2025
لاہور: (ویب ڈیسک) پنجاب حکومت نے 5 فروری کو یوم کشمیر پر عام تعطیل کا اعلان کر دیا جس کا باقاعدہ نوٹیفکیشن جاری کر دیا گیا۔
تفصیلات کے مطابق پنجاب حکومت کی جانب سے عام تعطیل کے حوالے سے نوٹیفکیشن جاری کیا گیا ہے، اس دن کی مناسبت سے تمام دفاتر اور ادارے بند ہوں گے۔ یہ دن کشمیر یکجہتی دن کے طور پر منایا جائے گا، جس میں کشمیری عوام کے ساتھ اظہار یکجہتی کیا جائے گا۔
خیال رہے اس سے قبل وفاقی حکومت کی جانب سے سال 2025 کیلئے 17 عوامی تعطیلات کا اعلان کیا جا چکا ہے، جن میں 5 فروری کی چھٹی بھی شامل ہے۔ 5 فروری بروز بدھ کشمیر یکجہتی دن کے طور پر منایا جائے گا۔
