ذرائع کے مطابق پاکستان تحریک انصاف (پی ٹی آئی) اور حکومت کے مابین مذاکرات کے معاملے پر کمیٹیوں کی تحلیل کے باوجود کمیٹیاں برقرار ہیں۔ پی ٹی آئی اپنی مذاکراتی کمیٹی تحلیل کر چکی، سینیٹر عرفان صدیقی بھی حکومتی کمیٹی ختم کرنے کا اعلان کر چکے ہیں۔

قومی اسمبلی سیکرٹریٹ نے اب تک مذاکراتی کمیٹیوں کی تحلیل کا نوٹیفکیشن جاری نہیں کیا۔ اسپیکر قومی اسمبلی سردار ایاز صادق اب بھی کمیٹیاں برقرار رکھنے پہ بضد ہیں۔ اسپیکر قومی اسمبلی کی ہدایت پہ ہی کمیٹیاں ڈی نوٹیفائی ہو سکیں گی۔