تفصیلات کے مطابق پارلیمنٹ ہاؤس پہنچنے پر میڈیا سے گفتگو کرتے ہوئے چئیرمین پاکستان تحریک انصاف بیرسٹر گوہر نے کہا کہ بانی چئیرمین پی ٹی آئی عمران خان نے مذاکرات ہولڈ کیے ہیں، ہماری پارٹی تو کھلے دل کے ساتھ مذاکرات میں بیٹھی تھی، ہم نے صرف 2  حکومے کے سامنے دو مطالبات رکھے تھے۔

 انہوں نے کہا کہ کمیشن بنانے کیلئے 7 دن بہت تھے، مگر افسوس کی بات ہے کہ کوئی بھی پیشرفت نہیں ہوئی۔انہیں کس بات نے روکا ہے، کہہ دیں کہ کمیشن بننے جا رہا ہے۔

انہوں نے مزید کہا کہ پارلیمنٹ میں احتجاج اپوزیشن کا حق  ہے ، آج ہونے والی قانون سازی کی حمایت ہرگز نہیں کریں گے، حکومت نے اپنے ایجنڈے پر 8 قانون رکھے ہیں، 2021 والا قانون ابھی پاس نہیں ہو سکتا۔

 ذہن نشین رہے کہ گزشتہ روز اڈیالہ جیل کے باہر میڈیا سے بات چیت کرتے ہوئے بیرسٹر گوہر واضح کیا تھا کہ عمران خان نے حکومت کے ساتھ مذاکرات ختم کرنے کا اعلان کردیا ہے،حکومت کے ساتھ مذاکرات کا چوتھا دور نہیں ہو گا۔