وزیراعلیٰ پنجاب مریم نواز کی زیر صدارت اجلاس ہوا جس میں نگہبان رمضان پیکج کے حوالے سے مختلف تجاویز اور سفارشات کا جائزہ لیا گیا۔ وزیراعلیٰ پنجاب کو بریفنگ دی گئی کہ نگہبان رمضان پیکج کے لیے پی ایس ای آر میں رجسٹریشن ضروری ہے، گھر بیٹھے آن لائن پورٹل پر بھی اپلائی کیا جاسکتا ہے، یونین کونسل اور بلدیہ دفاتر میں رجسٹریشن کرائی جاسکتی ہے، نگہبان رمضان پیکج کے لیے ہیلپ لائن 080002345 بھی قائم کر دی گئی ہے

اجلاس سے خطاب میں وزیر اعلیٰ پنجاب مریم نواز کا کہنا تھا کہ نگہبان رمضان پیکج نادار لوگوں کا حق اور حکومت کا فرض ہے، عوام کو عزت و احترام کے ساتھ ان کا حق ملنا چاہیئے، نگہبان رمضان پیکج کے لیے عوام کا لائنوں میں لگنا قطعاً پسند نہیں، انتظامیہ اور متعلقہ حکام فرض نہیں عبادت سمجھ کراپنی خدمات سرانجام دیں، رمضان المبارک میں اللہ تعالیٰ کی رضا کے لئے عوام کی خدمت کی جائے۔