آئی ایس پی آر کے مطابق ہلاک شخص کی شناخت محمد خان احمد خیل، ولد حاجی قاسم داوران خان کے نام سے ہوئی، ہلاک افغانی گاؤں بلورائی، ضلع وازخوہ، صوبہ پکتیکا، افغانستان کا رہائشی تھا۔ دہشتگرد کی لاش کو ضروری کاروائی کے بعد 20 جنوری کو حکام کے حوالے کر دیا گیا۔

آئی ایس پی آر نے کہا کہ اس طرح کے واقعات پاکستان میں دہشت گردی کی سرگرمیوں میں افغان شہریوں کے ملوث ہونے کا ناقابل تردید ثبوت ہیں، توقع ہے کہ عبوری افغان حکومت اپنی ذمہ داریاں پوری کرے گی، دہشت گردوں کی جانب سے پاکستان کے خلاف دہشت گردی کی کارروائیوں کے لیے افغان سرزمین کے استعمال سے انکار کرے گی۔