تفصیلات کے مطابق تمام بجٹ دستاویزات کو مئی 2025 کے آخر تک حتمی شکل دینے کی تجویز ہے۔ قومی اقتصادی کونسل کا اجلاس مئی کے دوسرے ہفتے میں منعقد کرنے کا امکان ہے۔

ذرائع کے مطابق سالانہ منصوبہ بندی رابطہ کمیٹی کا اجلاس مئی کے پہلے ہفتے میں کرنے کی تجویز ہے۔ بجٹ اسٹریٹیجی پیپر 18 اپریل 2025 تک منظور کرانے کا امکان ہے۔ بجٹ جائزہ کمیٹی کے اجلاس 11 فروری سے 28 فروری کو منعقد کرنے کی تجویز ہے۔ فارن ایکسچینج کے لیے بجٹ کا تخمینہ 7 مئی تک جمع کرانے کا امکان ہے۔