انہوں نے کہا کہ پارٹی کی جانب سے ایسی کوئی تبدیلی یا فیصلہ نہیں کیا گیا۔

 

 

ایک نجی ٹی وی چینل نے دعویٰ کیا تھا کہ عمران خان نے بیرسٹر گوہر خان اور سلمان اکرم راجہ کو ان کے عہدوں سے ہٹا کر اسد قیصر کو پی ٹی آئی کا چیئرمین اور علی محمد خان کو جنرل سیکریٹری نامزد کر دیا ہے۔ چینل کے مطابق، یہ فیصلہ عمران خان کی اڈیالہ جیل میں موجودگی کے دوران ہوا۔

 

 

چینل نے مزید دعویٰ کیا کہ بیرسٹر علی ظفر نے عمران خان سے ملاقات کے بعد یہ اعلان کیا۔ خبر کے مطابق، عمران خان نے پرانے رہنماؤں کو پارٹی کی قیادت دینے کا فیصلہ کیا ہے، اور انہوں نے اسد قیصر اور علی محمد خان کو خصوصی طور پر جیل میں طلب کیا۔

 

 

پی ٹی آئی کے مرکزی سیکرٹری اطلاعات شیخ وقاص اکرم نے ان تمام خبروں کو مسترد کرتے ہوئے کہا کہ یہ مکمل طور پر بے بنیاد اور گمراہ کن ہیں۔ ان کا کہنا تھا کہ عمران خان نے چیئرمین اور جنرل سیکریٹری کی تبدیلی کا کوئی فیصلہ نہیں کیا اور اس قسم کی خبریں موجودہ قیادت کو کمزور کرنے کی سازش ہیں۔

 

 

شیخ وقاص اکرم نے عوام سے درخواست کی کہ وہ ایسی افواہوں پر کان نہ دھریں اور حقائق کو سمجھنے کی کوشش کریں۔ انہوں نے کہا کہ میڈیا پر چلنے والی یہ مہم پارٹی قیادت کو نقصان پہنچانے کی سازش ہے جسے ناکام بنایا جائے گا۔