چیف جسٹس عامر فاروق اور جسٹس ثمن رفعت امتیاز نے ایڈووکیٹ ایمان مزاری اور ہادی علی چٹھہ کی تین روزہ ریمانڈ کے خلاف اپیل پر سماعت کی۔ وکیل قیصر امام عدالت کے سامنے پیش ہوئے۔

وکیل قیصر امام نے موقف اپنایا کہ درخواست گزاروں کا تین روزہ ریمانڈ دیا گیا۔ عدالتی ہدایت پر وکیل قیصر امام نے ریمانڈ آرڈر پڑھا۔ عدالت نے پولیس کو نوٹس جاری کر کے کل تک جواب طلب کر لیا۔

اسلام آباد ہائیکورٹ نے ایمان مزاری اور ہادی علی چٹھہ کے خلاف ریمانڈ آرڈر معطل کر کے پولیس کو نوٹس جاری کرتے ہوئے کل تک سماعت ملتوی کر دی۔