ذرائع کے مطابق، اس بل کے تحت سپریم کورٹ میں ججز کی تعداد موجودہ 17 سے بڑھا کر 23 کرنے کی تجویز دی گئی ہے، جس سے چیف جسٹس سمیت ججز کی تعداد میں چھ مزید ججز کا اضافہ ہوگا۔

 

پارلیمانی ذرائع نے تصدیق کی ہے کہ اس بل کو جمعہ کے روز قومی اسمبلی میں پیش کیا جائے گا، جس کی منظوری کے بعد عدالت عظمیٰ میں ججز کی تعداد میں اضافہ ممکن ہو سکے گا۔ 

 

اس فیصلے کا مقصد عدالتوں پر مقدمات کے بوجھ کو کم کرنا اور انصاف کی فراہمی کے عمل کو مزید تیز بنانا ہے۔

 

مزید برآں، ذرائع نے یہ بھی بتایا کہ اس بل کے حوالے سے مسلم لیگ ن کے ممبر قومی اسمبلی بیرسٹر دانیال پہلے ہی نجی کارروائی کے دن اس بل کو قومی اسمبلی میں پیش کر چکے ہیں۔ 

 

تاہم، اس کو اب حکومتی سطح پر لانے اور منظور کروانے کا فیصلہ کیا گیا ہے۔

 

اس کے علاوہ، حکمراں اتحاد کے درمیان پریکٹس اینڈ پروسیجر ایکٹ میں ترمیم پر بھی مشاورت جاری ہے، جس کا مقصد عدالتی عمل کو مزید فعال اور مؤثر بنانا ہے۔ اسمبلی اجلاس کی مدت کو اس بل پر غور کے لیے جمعہ تک بڑھا دیا گیا ہے تاکہ بل کی منظوری کے لیے مکمل بحث اور رائے شماری کو یقینی بنایا جا سکے۔