حضرو: اوباش نوجوان کی 8 سالہ بچے سے بد فعلی کی کوشش

Hazro: An obscene young man tried to misbehave with an 8-year-old child

September, 20 2024

حضرو: (نامہ نگار، اسماعیل خان) حضرو کے نواحی علاقے اٹک خورد میں ایک افسوسناک واقعہ پیش آیا، جہاں ایک 8 سالہ بچے کے ساتھ بد فعلی کی کوشش کی گئی۔

اطلاعات کے مطابق بچہ اسکول سے چھٹی کے بعد اپنے گھر جارہا تھا جب علاقے کے اوباش نوجوان نے اسے زبردستی پکڑ کر ایک خالی گھر میں لے جانے کی کوشش کی۔

بچے نے اس صورتحال کو بھانپتے ہوئے زور زور سے شور مچانا شروع کردیا، جس پر اہل محلہ جمع ہوگئے اور بچے کی آواز سن کر فوری مدد کے لیے پہنچے۔

اہل محلہ نے بچے کو بچانے کے لیے خالی گھر کا دروازہ توڑا اور ملزم کے چنگل سے بچے کو آزاد کروایا۔

ذرائع کے مطابق، جب ملزم نے دیکھا کہ اہل محلہ قریب پہنچ چکے ہیں، تو اس نے بچے کو قتل کرنے کی کوشش کی جس کے نتیجے میں بچہ شدید زخمی ہو گیا۔

بچے کو فوری طور پر طبی امداد کے لیے اٹک کے مقامی ہسپتال منتقل کیا گیا، لیکن اس کی حالت تشویشناک ہونے کی وجہ سے ڈاکٹروں نے اسے راولپنڈی کے ہولی فیملی ہسپتال ریفر کردیا۔

بچے کے لواحقین اور علاقے کے لوگوں نے اس واقعہ پر شدید غم و غصے کا اظہار کیا ہے۔ ملزم کو اہل محلہ نے موقع پر قابو کرکے اٹک خورد پولیس کے حوالے کردیا۔ پولیس نے ملزم کے خلاف قانونی کارروائی شروع کر دی ہے اور واقعہ کی مزید تحقیقات جاری ہیں۔

یہ افسوسناک واقعہ بچوں کے تحفظ کے حوالے سے معاشرتی بیداری کی اہمیت کو اجاگر کرتا ہے۔