تفصیلات کے مطابق سینیٹ کا اجلاس آج شام 5 بجے ہوگا۔ سپریم کورٹ کے ججز کی تعداد میں اضافے کا بل بھی ایجنڈے میں شامل ہے۔ بل کے تحت سپریم کورٹ (ججز کی تعداد) ایکٹ، 1997 کی سیکشن 2 میں ترمیم کی تجویز دی گئی ہے۔

مجوزہ بل کے متن میں کہا گیا کہ چیف جسٹس کے علاوہ سپریم کورٹ کے ججوں کی زیادہ سے زیادہ تعداد 20 مقرر کی جائے، سپریم کورٹ میں ججز کی تعداد میں اضافہ ضروری ہے، زیرالتوا مقدمات کی بڑھتی تعداد کے پیش نظر ججوں کی تعداد 17 سے بڑھا کر 21 کی جائے۔

بل کے متن میں کہا گیا کہ ججز کی تعداد میں اضافے کا مقصد سپریم کورٹ میں زیر التوا مقدمات کو جلد نمٹانا ہے،  سینیٹ سے منظوری کے بعد بل کو پارلیمنٹ کے مشترکہ اجلاس میں منظوری کے لیے پیش کیا جائے گا۔