تفصیلات کے مطابق اسسٹنٹ سپرنٹنڈنٹ عمران شہزاد کی مدعیت میں قیدی آتش حسین کے خلاف مقدمہ درج کرلیا گیا۔ یہ مقدمہ تھانہ صدر بیرونی میں درج کیا گیا۔ جس میں کہا گیا کہ لڑائی کا واقعہ 3 دن قبل 29 اگست کو چکر مسجد کے قریب پیش آیا، قتل کے مقدمہ میں گرفتار قیدی آتش حسین نے حوالاتی انجم سے لڑائی جھگڑا کیا اور خود ساختہ کٹر کے وار سے انجم کے گردن، سر اور کندھے کو زخمی کر دیا۔

مقدمے میں بتایا گیا کہ زخمی قیدی کا طبی معائنہ بھی کروا لیا گیا اور رپورٹ درخواست کے ساتھ لف ہے، چیف وارڈر نواب خان اور وارڈر ریاض اقبال واقعہ کے گواہ ہیں۔

 یاد رہے رہے کہ بانی پاکستان تحریک انصاف (پی ٹی آئی) سابق وزیر اعظم عمران خان اور ان کی اہلیہ بشریٰ بی بی نئے توشہ خانہ ریفرنس سمیت دیگر کیسز میں اڈیالہ جیل میں قید ہیں۔